Fanney er með doktorsgráðu í sálfræði frá London School of Economics and Political Science. Hennar sérsvið er megindleg sálfræði og hún stundar rannsóknir á ýmsum sviðum megindlegrar sálfræði, meðal annars á gæðum klínískra matstækja sem mæla almenna kvíðaröskun, þunglyndi og áfallastreituröskun.

Fanney er ásamt samstarfsfólki sínu að skipuleggja viðamikið rannsóknaverkefni á þróun matstækja sem unnt er að nota til að greina árangur af endurhæfingarmeðferð eftir heilaskaða.

Emil stundar doktorsnám við tölvunarfræðideild Háskólans í Reykjavík. Þar þróar hann nýjar aðferðir til að vinna úr lífeðlisfræðilegum mæligögnum (e. biomedical data), með áherslu á gögn úr svefnmælingum.

Hann er með BS gráðu í eðlisfræði frá Háskóla Íslands og MSc gráðu í vélrænu námi (e. Machine Learning) með áherslu á taugavísindi og skynjun.